ಸಪ್ತಭಾಷಾ ಸಂಗಮಭೂಮಿಯಾದ ಕಾಸರಗೋಡಿನ ಕುಂಬಳೆಯ ಕುಂಟಗೇರೇಡ್ಕದಲ್ಲಿ ನಮ್ಮೀ ಶಾಲೆಯು ಕಾರ್ಯಾಚರಿಸುತ್ತಿದೆ. ೧೯೨೬ ರಲ್ಲಿ ಸಾಮಾಜಿಕವಾಗಿ ಮತ್ತು ಆರ್ಥಿಕವಾಗಿ ಹಿಂದುಳಿದ ಈ ಪ್ರದೇಶದ ಬಡ ದಲಿತರ ಅಭಿವೃಧಿಗಾಗಿ ಶಾಲೆಯು ಸ್ತಾಪಿತವಾಯಿತು. ಪ್ರಾರಂಬ ಕಾಲದಲ್ಲಿ ಸಮೀಪದ ದೇವಿನಗರದ ಬಾಡಿಗೆ ಕಟ್ಟಡವೊಂದರಲ್ಲಿ ತರಗತಿಯು ನಡೆಯುತ್ತಿತು. ಬಳಿಕ ಪ್ರಸ್ತುತವಿರುವ ಸರಕಾರಿ ಕಟ್ಟಡದಲ್ಲಿ ಬೋಧನೆಯು ಮುಂದುವರಿಯಿತು .
೨. ೧೭ ಎಕ್ಕರೆ ಸ್ಥಳದಲ್ಲಿ ೮ ತರಗತಿ ಕೋಣೆಗಳನ್ನು ಹೊಂದಿದ ಶಾಲಾ ಕಟ್ಟಡವನ್ನು ನಿರ್ಮಿಸಲಾಗಿದೆ . ೧-೪ ನೇ ತರಗತಿ ಯವರೆಗೆ ಕನ್ನಡ ಮತ್ತು ಮಲಯಾಳ ಮಾಧ್ಯಮದಲ್ಲಿ ಶಿಕ್ಷಣವನ್ನು ನೀಡಲಾಗುತ್ತಿದೆ . ತರಗತಿ ಕೋಣೆಗಳನ್ನು ಆಕರ್ಷಕ ಬಣ್ಣ ಮತ್ತು ಚಿತ್ರಗಳಿಂದ ಅಲಂಕರಿಸಲಾಗಿದೆ. ಪ್ರತಿಯೊಂದು ತರಗತಿಯ ನೆಲಕ್ಕೆ ಟೈಲ್ಸ್ ಹಾಸಲಾಗಿದೆ ಮತ್ತು ಎಲ್ಲಾ ತರಗತಿಗಳಿಗೆ ನಳ್ಳಿ ನೀರಿನ ವ್ಯವಸ್ಥೆ ಮಾಡಲಾಗಿದೆ. ನುರಿತ ಅಧ್ಯಾಪಕರು ಸುಸಜ್ಜಿತ ಕಂಪ್ಯೂಟರ್ ಲ್ಯಾಬ್ , ಎಲ್ .ಸಿ . ಡಿ , ಮೈಕ್ ಸೆಟ್ , ಒಂದನೇ ತರಗತಿಯಿಂದಲೇ ಕನ್ನಡ ಮತ್ತು ಮಲಯಾಳಂ ಮಾಧ್ಯಮದಲ್ಲಿ ಕಂಪ್ಯೂಟರ್ ಮತ್ತು ಇಂಗ್ಲೀಷ್ ಬೋಧನೆ , ಕಲೆ , ವೃತ್ತಿ ಪರಿಚಯ , ಸಂಗೀತ ಕಲಿಕೆ , ಶುಚಿ ರುಚಿಯಾದ ಬಿಸಿಯೂಟ ಪದ್ಧತಿ , ವಾರದಲ್ಲಿ ಎರಡು ಸಲ ಹಾಲು ವಿತರಣೆ , ವಾರಕ್ಕೊಮ್ಮೆ ಮೊಟ್ಟೆ ವಿತರಣೆ, ಉಚಿತ ಸಮವಸ್ತ್ರ ವಿತರಣೆ , ಉಚಿತ ಪಾಠ ಪುಸ್ತಕ ವಿತರಣೆ ,. ಸರಕಾರದ ವಿವಿಧ ಅನುದಾನಗಳನ್ನು ಕ್ಲಪ್ತ ಸಮಯದಲ್ಲಿ ಅರ್ಹರಿಗೆ ನೀಡುವುದು , ಬಾಲಕರಿಗೆ ಮತ್ತು ಬಾಲಕಿಯರಿಗೆ ಪ್ರತ್ಯೇಕ ಶೌಚಾಲಯದ ವ್ಯವಸ್ಥೆ , ವಿಶಾಲವಾದ ಕ್ರೀಡಾಂಗಣ ............... ಇವು ನಮ್ಮ ಶಾಲೆಯ ಪ್ರತ್ಯೇಕತೆಗಳಲ್ಲಿ ಕೆಲವು ಮಾತ್ರ .
ನಮ್ಮೀ ಶಾಲೆಯ ಪುಟಾಣಿ ಮಕ್ಕಳು ವಿವಿಧ ಮಟ್ಟದ ಸ್ಪರ್ಧೆಗಳಲ್ಲಿ ಮತ್ತು ಮೇಳಗಳಲ್ಲಿ ಭಾಗವಹಿಸಿ ಶಾಲೆಗೆ ಕೀರ್ತಿಯನ್ನು ತರುತ್ತಿದ್ದಾರೆ . ಈ ಶಾಲೆಯ ಹಳೆಯ ವಿಧ್ಯಾರ್ಥಿಗಳು ಹಲವಾರು ಉನ್ನತ ಹುದ್ದೆಗಳನ್ನು ಅಲಂಕರಿಸಿರುವುದು ಹೆಮ್ಮೆಯ ವಿಷಯವೇ ಸರಿ .
No comments:
Post a Comment